بس كملها للاخر
ذهبت الي المستشفي لزيارة احد المرضي وبينما انا جالس عنده فالحجره لاحظت ان كل من يدخل الغرفه المجاوره له لا يخرج منها الا وهو يضحك بصوت مرتفع جدا
استغربت الامر وعزمت ان اذهب لتلك الغرفه وانظر ما السبب
وحينما دخلت تلك الغرفه وجدت رجلا ملقي علي السرير وقدمه مرفوعه لاعلي مابين كسور وجروح في اغلب جسمه
قلت له: انت حكايتك ايه
قال: انت عايز تعرف حكايتي قلت ايوه
قال اقعد قعدت
قالي انا ساكن في ميدان المحطه بمدينة طنطا
رجعت من شغلي متأخر كالعاده وجايب معايا عشايا
اتعشيت تمام ونمت فأمان الله فحلمت حلم غريب جدا
حلمت ان القيامه قامت وانا واقف فأرض المحشر والناس كلها ملمومه ومحدش بيتكلم مع التاني ولا بيبصله
ولاقيت اتوبيسات كتير اوي وواحد واقف بينده الاسامي
فلان ابن فلان اركب اتوبيس الجنه
فلان ابن فلان اركب اتوبيس النار
وانا واقف هموت من الرعب لحد ماسمعت اسمي :
فلان الفلاني قلت افندم قالي اركب اتوبيس الجنه
قولت ااااااااللللللللحمد لله وقعدت اجري واظيط فأرض المحشر واقول للناس انا رايح الجنه انا رايح الجنه
وفعلا ركبت الاتوبيس وقعدت جنب راجل عجوز كدا
وقلت الحمد لله اهم حاجه ان انا عديت بسلام
شويه وببص من شباك الاتوبيس لاقيت يافطه كبيره
"النار ١٥٠ كيلو"
ايه دا هوا الاتوبيس دا رايح فين ياعم الحج
مردش عليا
شويه ولاقيت يافطه كمان
"النار ١٠٠ كيلو "
قمت اتفزعت وقعت اجري فالاتوبيس واقول للناس ياأخوانا الاتوبيس دا رايح فين انا اتنده اسمي فاللي رايحين الجنه
ومفيش واحد فيهم بينطق
شويه كمان ولاقيت يافطه
"النار ٥٠ كيلو "
يعني خلاص الهبو بتعها بداء يطلع علينا
قلت مبدهاش بقي
جريت ع السواق
ياسطي ياسطي الاتوبيس دا رايح علي فين الله يكرمك
بصلي وقالي : هااا انت رايح فين
قلتلو انا رايح الجنه
قالي لاء الاتوبيس دا رايح النار وعشان تبقي عارف انا مبقفش غير فالنار نفسها ولعلمك كمان انا ابليس
يااااااالاااهويييييي
جريت ع شباك الاتوبيس وقعدت اضرب فالازاز لحد متكسر وقمت ناطط
وبعد ما فؤت لاقيت نفسي هنا فالمستشفي
اتاري الازاز اللي كنت بكسره كان ازاز البلكونه والنطه دي كانت مالدور الرابع ع الارض فميدان المحطه
0 التعليقات:
إرسال تعليق